نفى المخرج مجدي الهواري، تصريحا منسوبا له بأنه اعترض على مطالب محمد صلاح بأجر ضخم في ليفربول، قائلا: “الكلام ده مش مظبوط وكتبت بوست بعد ماتش نيوكاسل وأنا راجل كروي وبحب الكرة وكتبت أنه درس قاسي جدا أنهم خرجوا من البطولة دي أمام نيو كاسل 2-1 بسبب إن ليفربول مش محققين مطالب صلاح”.
وأوضح مجدي الهواري، خلال لقائه ببرنامج “حبر سري”، مع الاعلامية أسما ابراهيم، المذاع على قناة القاهرة والناس، أن محمد صلاح برج الجوزاء وعامل الحالة النفسية مؤثر جدا عليه، مضيفا: “محمد صلاح مزاجنجي ولو أنت مش مظبطه نفسيا قبل اللعب بيظهر على تعبيرات وشه وأنا مخرج وعارف وهو مضايق”.
وتابع: “محمد صلاح كان مش في حالته وحاطط في دماغه مستقبله مع ليفربول وأرقامه وليفربول طبعا منظومة كبيرة وهم أكيد فاهمين أن مزاج النجم مهم قبل لعب الماتش ومتعرضوش للنوع ده من الاصابات عشان ميتعرضش لإصابة ليست في صالحكم”.
