وجهت الإعلامية ياسمين عز رسالة مليئة بالعاطفة والعتاب في رد فعل طريف ومليء بالمشاعر على انتقال اللاعب أحمد سيد “زيزو” إلى النادي الأهلي، خلال ظهورها في برنامج “كلام الناس” على قناة MBC مصر.
“ليه تروح الأهلي دلوقتي؟”
بدأت عز حديثها قائلة:”عتاب كتيير لزيزو.. ليه تروح الأهلي دلوقتي؟.. ينفع اللي حصل ده؟”
وأشارت إلى أن هذا القرار فاجأ جمهور الزمالك الذي كان يُعلّق عليه آمالاً كبيرة في الفترة القادمة.
“منور الكرسي الأحمر يا كابتن”
ورغم العتاب، لم تُخفِ ياسمين سعادتها برؤية زيزو في الأهلي، حيث أضافت: “أحب أقولك رسالة: فينك يا شيخ كنا مستنيينك من زمان، منور الكرسي الأحمر يا كابتن زيزو، وتأتي متأخرًا خيرًا من ألا تأتي أبدًا”.
رسالة طريفة للزوجات: “بوسيه وحطيه جنب الحيط”
وفي لفتة خفيفة الظل، وجّهت ياسمين عز نصيحة طريفة للزوجات، خاصة من لديهن أزواج زملكاوية، قائلة: “بالمناسبة السعيدة دي، لو جوزك زملكاوي اليومين دول، بوسيه وحطيه جنب الحيط.. يومين صعبين عليه، لا تقوليله فين رحت ولا إمتى جيت، سيبيه في حاله بدل ما تلاقيه سابلك البيت”.
