تحدث أيمن الرمادي المدير الفني لنادي الزمالك عن مواجهة بيراميدز، واتهام البعض بعدم اهتمام اللاعبين بها بعد الخروج عن إطار المنافسة.
وقال الرمادي في تصريحات بالمؤتمر الصحفي قبل لقاء بيراميدز المقبل في الدوري الممتاز: “برفض الكلام اللي بيقول إن الزمالك داخل ماتش بيراميدز من غير جدية عشان فقد المنافسة على الدوري، احنا نادي كبير وبنلعب كل ماتش علشان نكسبه”.
وتابع: “الزمالك عنده تاريخ كبير وأساس ثابت، واللي بيقول غير كده ميعرفش يعني إيه نادي كبير، ومينفعش نكون أداة لمساعدة أي فريق”.
وأضاف: “مستحيل أطلب من لاعب يتخاذل أو يفرّط، لأن ده معناه إني أفقد احترامه ليا.. احنا بنلعب باسم الزمالك، وده شرف كبير”.
واستكمل: “مش هنلعب بـ٣٠٠٪ عشان نساعد فريق، ولا بـ٥٠٪ عشان نسهل على حد احنا نلعب بطبيعتنا، وهدفنا مصلحة الزمالك وبس”.
