تصدّر نبأ انهاء الخلافات والتراشقات التي نشبت بين حسن شاكوش وطليقته ريم طارق حديث منصات التواصل الاجتماعي، حيث تساءل الجمهور عن كواليس التوصل إلى حلول إنهاء الخلاف بالتراضي بين الطرفين.
وجاء ذلك عقب إعلان ريم طارق طليقة مطرب المهرجانات حسن شاكوش، انتهاء الخلافات التي نشبت بينهما خلال الشهور الماضية.
وقالت ريم طارق خلال تصريحات لها: “الحمد الله.. أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب”.
في حين، علّق مؤدي المهرجانات الشعبية حسن شاكوش على اعتذار طليقته ريم طارق، وإشادتها به بعد حصولها على كافة حقوقها الشرعية منه، بعد الانفصال.
اقرأ أيضًا..هل سجدت طليقة حسن شاكوش بعد طلاقها منه غيابياً؟
وأردف حسن شاكوش: “مع إن ده كان مأثر عليّا نفسيًا وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنالك كل خير في حياتك وأشوفك دايمًا بخير”.
لترد من جانبها ريم طارق على حسن شاكوش، قائلةً: أنا كمان بتمنالك كل خير يا حسن وأكيد احنا حبايب وعايزة أقول حاجة للمتابعين للمشكلة بتاعتنا من الأول إن بلاش أي حد يدخل في مشاكلكم الشخصية حتى لو أقرب الناس ليكم لأنهم من كتر حبهم ليكم ممكن المشكلة تزيد مش تتحل، وده اللي حصل معانا أنا وحسن يمكن لو كانت المشكلة بينا بس كانت اتحلت من بدري وأنا كمان بشكرك يا حسن وأنت وعدت ووفيت لله الأمر من قبل ومن بعد.
طالع.. حسن شاكوش يكشف سبب أزمته مع ريم طارق
