طالب مجدي عبدالغني، نجم الأهلي السابق، محمود عبدالرازق شيكابالا، قائد الفريق الأول لكرة القدم بنادي الزمالك، باعتزال كرة القدم.
وقال مجدي عبدالغني، في تصريحات تلفزيونية عبر قناة الشمس: “شيكابالا، لا بد أن يعلن اعتزاله، حفاظًا على قيمته، كفاية كده، ولا يلعبضربات جزاء ولا يلعب ربع ساعة ولا ينزل يتحط في تقييم جديد، ليه بتحط نفسك في تقييم جديد مفيش حاجة اسمها بحب نادي الزمالك،بتحب نادي الزمالك اخدمه في مكان تاني، حافظ على برستيجك وعلى تاريخك وفنياتك”.
وأضاف: “مش عايزين نقول جه في أخر أيامه ومكنش قادر، حسن حمدي، اعتزل عنده 28 سنة، عشان محدش يقوله إنت مش قادر،عبدالعزيز عبدالشافي بطل وهو عنده 37 سنة “.
وتابع: “اللاعب الكبير اللي بيخاف على اسمه يبطل طالما مش قادر، عايز يبقى مدير كورة أو عضو مجلس إدارة، بدل ما تبقى موجودوتخسر في بطولات وتنزل متعملش حاجة في الملعب وفي الأخر تضيع ضربة جزاء تضيع بيها الفرقة وفي الأخر الناس هستنسالك كل حاجةحلوة وتفتكر ضربة الجزاء”.
وأكمل: “إنت نجم كبير يبقى تحافظ على نجوميتك بعقلك وتفكيرك، أوعى تسمع كلام حد يقولك إنت لسة قدامك كتير خاف على اسمك الليبنيته على مدار سنين طويلة”.
واختتم: “متجيش في أخر أيامك والناس تضحك عليك وتقولك إنت وجودك مهم أوي جنب اللعيبة على الدكة، إنت مش بتاع دكة، إنت مفروضمتعوض تبقى موجود في الملعب، مش موجود في الملعب يبقى إعلن اعتزالك ولو عايزينك على الدكة تبقى موجود ببدلة وقرافطة “.
