علق الإعلامي تامر أمين، على اعتذار الفنانة شيرين عبدالوهاب عن زلة لسانها بعد المطالبة بقراءة الفاتحة على روح محمد رحيم.
وقال الإعلامي تامر أمين، خلال تقديمه برنامج “آخر النهار”، المذاع عبر فضائية “النهار”، إن ما حدث هو زلة لسان غير مقصودة تحدث لأي شخص، معقباك “كلنا بنغلط، وممكن أقول كلمة مكان كلمة وأنا على الهواء، دي حاجة عادية طالما في حسن نية”.
وأضاف: “ما حدث مع شيرين في حديثها عن محمد رحيم زلة لسان، ومع ذلك الناس مسكتها سلخ وجلد، وأنا في رأيي بقى فيه انحيازات وقسوة في الحكم والتقييم للناس، أنا مستغربها حد في ظروف شيرين اللي عارفينها، ودي أول حفلة ترجع فيها، نسندها ونطبطب عليها ولا نستنى غلطة عشان ندبحها ونخلص عليها خالص؟”.
وتابع: “واضح أنها زلة لسان.. أرجو يكون في نوع من أنواع الرحمة”، موجها نصيحة لشيرين قائلا: “بقول لشيرين، أبوس إيدك هو أنتي لازم تتكلمي، غني بس يا ست البنات، أنتي لو غنيتي بس هتبقي ملكة لا يضاهيكي أحد”.
وأشار: “اتفقوا مع مهندس الصوت اللي معاها لما تخلص الأغنية تقفلوا المايك، يا مهندسي الصوت في حفلات شيرين احموا شيرين من شيرين”.
