نفى هاني العتال المرشح علي منصب نائب رئيس نادي الزمالك ما يروج أنه يستخدم اللجان الالكترونية للترويج له على التواصل الاجتماعي مقابل التشكيك في مرشحي القائمة الموحدة قائلاً : ” الوضع مختلف والي بيحصل العكس صحيح الي متابع لي على السوشيال ميديا هيلاقيني ملتزم الصمت وبتكلم باحترام شديد عن كافة المرشحين “.
وفي تعقيبه على الصورة التي اثارت الجدل على السوشيال ميديا مع كابتن أحمد سليمان مرشح القائمة قال خلال خلال لقاء عبر برنامج ” كلمة أخيرة ” على شاشة ON:”أه عملت مشكلة وأتاخدت في اتجاه الخيانات والمشكلة محصلتش مشكلة معايا ولا معاه ولكن حصلت مشكلة مع بقية أعضاء القائمة وقالوا ليه قعدت مع هاني العتال وأنا مش فاهم فين المشكلة ؟ مانا كنت في انتخابات 2017 ودعمت القائمة في انتخابات 2022 ليس مادياً لكن شجعتهم “.
وواصل : ” وقفت معاهم بكل قوتي قعدتي معاه جت بمحض الصدفة في الحديقة وقعدنا مع مجموعة من الأعضاء وتكلمنا في مشاكل النادي بشكل عام لكن للأسف فيه بعض الناس بتتهز بسرعة “.
خروج عن القائمة
وقاطعته الحديدي متسائلة : قصدك على هشام نصر ؟ ليرد قائلاً : ” بعض الناس ماقلتش هشام نصر ممكن أعضاء من مرشحي القائمة مش هشام نصر ومش معنى اي صورة أو حديث كويس عني يبقى خروج عن القائمة وده حصل من كابتن حسين لبيب وأتكلم عني كويس وهشام نصر نفسه تكلم عني جيداً هل ده كله خروج عن القائمة .
