هاجم الإعلامي إبراهيم سعيد، نجم منتخب مصر السابق أحمد مجدي مدرب الزمالك، بسبب استمراره مع الفريق حتى مباراة المصري البورسعيدي القادمة، مشيرًا إلى أنه باع الزمالك وكان على علم برحيل جوميز.
وقال إبراهيم سعيد في تصريح تلفزيوني عبر شاشة النهار :” هل تواجد أحمد مجدي هو اللي هيخلي اللعيبه تتمرن بجدية، أكيد لأ .. عشان اللعيبة مش هتحس باستقرار ولا القائد المدير الفني اللي بيعمل حتة الاستقرار”.
وأضاف: “مفروض مين اللي يحاسب لعيبه الزمالك لما تغلط، أحمد مجدي اللي ماشي بعد مباراة المصري، أنا لو مكان اللعيبة وكلمني أوغلطني هقوله انت ماشي”.
وتابع: “أحمد مجدي كان في جهاز جوميز وعارف أنه ماشي معاه، مجلس الإدارة بيكافآه؟ ومحدش يقوله إنه مكنش يعرف”.
واشار: “من الواضح جدًا علاقته القوية مع جوميز، وهو شغلته كانت ترجمة وأي باد، ولكن كشغل فني لم يضيف حاجة لنادي الزمالك”.
واستكمل إبراهيم سعيد : “أحمد مجدي باع الزمالك، وكان يعرف من ساعة ما التفاوض بدأ، لأن بالتأكيد جوميز أبلغه عشان يبقى مستعد، وهو مريح بالنسبة له وبالتالي قاله”.
وأضاف إبراهيم سعيد “إزاي مجلس الزمالك يآمن لـ أحمد مجدي على الفرقه، ده تلاقيه بيكلم جوميز يقوله هتبعت الفيزا امته عشان أسافر ومخدتنيش معاك ليه، ولا فارقه معاه الزمالك يكسب أو يخسر “.
واستكمل إبراهيم سعيد : “علامة استفهام كبيرة بالنسبالي إزاي يبقي أحمد مجدي مع الجهاز الفني، ومينفعش مجلس الإدارة يتنازل على حساب نادي الزمالك، ومع احترامي كان في حد يعرف أحمد مجدي لولا الزمالك اللي دخله مجال التدريب”.
موعد مباراة الزمالك القادمة
يواجه الزمالك نظيره المصري البورسعيدي يوم الأحد المقبل في تمام الساعة التاسعة مساء، في الجولة الثالثة من منافسات دور المجموعات بطولة الكونفدرالية الأفريقية.
وكلف مجلس إدارة نادي الزمالك، أحمد مجدي، المدرب العام والقائم بأعمال المدير الفني بصفة مؤقتة، بقيادة الفريق فنيا أمام المصري البورسعيدي، في الجولة الثالثة بمجموعات كأس الكونفيدرالية، الأحد المقبل، على ستاد برج العرب بالإسكندرية.
ويتقاسم الفارس الأبيض، صدارة المجموعة الرابعة بكأس الكونفيدرالية، بالتساوي مع النسر البورسعيدي، برصيد 4 نقاط لكلاهما، يليهم إنيمبا النيجيري وبلاك بولز الموزمبيقي بنقطة يتيمة لهما.
