علق الناقد الرياضي خالد طلعت علي فترة الانتقالات الشتوية بالنادي الأهلي والزمالك عبر صفحته على موقع التواصل الاجتماعي فيسبوك.
وكتب خالد طلعت:”النهاردة 20 يناير .. فات 20 يوما على بداية فترة الانتقالات الشتوية ، والأهلي والزمالك لحد دلوقتي لسه مضموش أي صفقة جديدة !!
ده مش كده وبس ده كمان الأهلي رحل عنه 5 لاعبين بيرسي تاو الى قطر القطري ، ورضا سليم تم حذفه من قائمة الفريق بسبب الاصابة، وأحمد قندوسي تم تحويل اعارته الى سيراميكا الى بيع نهائي، وكهربا في طريقه للاتحاد الليبي ، وقرر انهاء اعارة يوسف أيمن وعودته للدحيل القطري ، يعني 5 مشيوا منهم 3 محترفين ومجابش بدالهم ولا واحد !!!
الزمالك كمان رحل عنه الفلسطيني عمر فرج الى ديجرفورس السويدي ومن قبله في نهاية نوفمبر رحل عنه البنيني سامسون أكينيولا، يعني 2 مهاجمين محترفين مشيوا ومجابش بدالهم أي حد !!
كل ده غير ان فيه لاعيبة نجوم كتير في كل فريق عقودهم تخلص بنهاية الموسم وممكن يمضوا لأي نادي تاني دلوقتي ومجددوش عقودهم وطبعا أبرزهم زيزو نجم فريق الزمالك ومعاه عبد الله السعيد وعمر جابر وحمزة المثلوثي ومحمود حمدي الونش ونبيل عماد دونجا
وفي الأهلي أكرم توفيق اللي خلاص قرر الرحيل عن الأهلي والانضمام للشمال القطري ، ومعاه محمد الشناوي وعمرو السولية ورامي ربيعه وياسر ابراهيم وحمزة علاء”.
