كشف الفنان ماجد المصري، تفاصيل جديدة عن استعداداته لشخصيته في مسلسل اش اش، مشيرا إلى أنه أقدم على إزالة شعر الرأس من أجل الشخصية.
وأضاف خلال لقائه ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: أن : “المخرج محمد سامي هو اللي خلاني أحلق شعري أقرع بالموس، علشان يتناسب مع شخصية رجب الجريتلي بمسلسل إش إش”.
من جانبها، غازلت رانيا زوجة الفنان ماجد المصري، زوجها على الهواء، قائلة: “رجوبي، هو بقى رجوبتني كلنا، بجد من قلبي فرحانة ومش متضايقة خالص أن البنات بتجري وراه في الجونة، لأن ده نجاح لدوره بمسلسل إش إش”.
وتابع “أنا بثق في محمد سامي، وعلشان كده شيلت شعري بالموس ومقولتش لمراتي، وسافرت لها الساحل ولابس كاب وكانت المفاجأة قالت لي إيه ده يا ماجد وأنت متخرجش معايا كده وقفشت”.
وتابع: “لما حلقت شعري أقرع مراتي قفشت وولادي اتريقوا عليا وعملوا بصورتي وأنا أقرع جروب على الواتس آب ومش هقول اسم الجروب ممرمطني في البيت، أما داليدا بنتي الصغيرة قالت لهم يا جماعة ايه المشكلة لما نعرف بس الدور، عندها وعي فني فقلت لها انتي كده صبرتيني”.
ولفت: “محمد سامي كان قايل لي إن ترقيصة هذه الشخصية إن الحدوتة اللي بينك وبين إش إش، قصة حب، بقول له تاجر مخدرات ومعلم قال لي ما هو ده السر عايز شخص فاهم وفارس”.
