علقت الفنانة سلاف فواخرجي ، على الصورة المنتشرة عبر مواقع التواصل الاجتماعي حول عقد زواجها المزيف من الرئيس السوري السابق بشار الاسد، وذلك بعدما قرر مجلس نقابة الفنانين السوريين شطبها، على خلفية إصرارها على إنكار جرائم نظام الأسد وتنكرها لآلام الشعب السوري، على وصف النقابة.
ونشرت “سلاف” الصورة عبر “فيسبوك”، معلقة :”لا تواخذونا … عملناها على الضيق … ماعزمنا حدا، بضحك قسما بالله شي يضحك، انا عادة جديّة على فكرة بس والله ماقدرت هل تستطيعون أن تكونوا نبلاء لمرة واحدة على الأقل؟ هل تستطيعون أن تناقشوا أفكار دون الطعن بالشرف، الذي لا يتوقف عنده إلا كل من لديه عقدة فيه ؟”
وأضافت :”هل تستطيعون أن تخرجوا عقولكم خارج غرف النوم ؟، وتعبتو واجتهدوا كملوا للاخر، لسا عايزين تقطيع خبز منيح ،يلا معلش مرة بعد مرة وثيقة بعد وثيقة … بتنجحوا، المرة الماضية غلطوا بإحدى وثائق الزواج اللي شفناها، بخانة الطائفة ونحنا بسوريا ماكان عنا خانة الطائفة ( مابعرف هلأ اذا صارت ) واضحكوا عليكم الناس“.
وتابعت :”بس معلش، تعلمتوا، واليوم تلت غلطات بحالهم! مع انو القصة مو صعبة، انكم تطلعوا بيان قيد عادي جدا وسهل، ولادتي بالأوراق الرسمية بعد تلت ايام من ولادتي، يعني ب 1_ 8 _ 1977، يوم عيدالجيش السوري واللبناني وبابا الله يرحمه اسمه محمد مش محمد سليم، وخانتي بمشروع صليبة والخانة 65 وبشوف حالي فيها”.
واستطردت: “وكل الحب لاهلنا بالسكنتوري، انا من كل اللاذقية ومن كل سوريا، عشان اذا بدكن تعدلوا يا نوابغ ياجهابذة، لانو يعتبر العقد باطل هيك والعياذ بالله، غير هيك والاهم فين ورقة الطلاق ؟! هي البيانات صارت عندكم، بالي بتخافوا الله !، أنا لم أطلق ولن أطلق اذا ربنا أراد، والله يحمي لي زوجي وعيلتي ويحمي كل الناس، عيب، وبس، خالوا بالكم على البلد والناس هم أحق بالاهتمام مني، ولا شو ؟”.
