تصدّر عرض الزواج الرومانسي للفنان شادي وصفي من الفنانة المصرية مريم الجندي على ضفاف النيل بمدينة أسوان حديث منصات التواصل الاجتماعي ومحركات البحث المختلفة بعد أن خدعها بالتعاون مع أصدقائها ليقوم بمفاجأتها بطلب يدها.
وقال شادي وصفي عبر منشور له على صفحته الرسمية على موقع (إنستغرام) “النص الاول من الفيديو ابتدي من قبل اليوم دا بـ٣ اسابيع، من مقابلات وتضبيط لليوم دا لحد الحمد لله اليوم دا جه من غير ما تحس او تعرف رغم ناس كتير قوي وقعت بلسانها، أو حد يناديها يقولها يا عروسة”.
وأضاف: قابلت أهلها كلهم، وكل شخص وافق قبل ما اعمل دا، هنا في مصر البروبوزل مش زي اللي بنشوفه في الافلام، آخر يوم مريم متخيلة انها مسافرة اسوان مع المانچ حسين عشان هتصور حملة إعلانية علي النت”
وتابع خطيب مريم الجندي: “آخر حاجة نفسى اكتبها من قلبى ان كل يوم بدعي ان ربنا يتمم علي خير و يبعد عننا شر الناس وشر الحسد و شر الدنيا؛ يبعد عننا كلنا مش انا و مريم بس فا قولو امين وادعوا لأي حد بيحاول عشان الدنيا صعبة قوى لوحدها و وجودنا في حياة بعض بالخير ممكن يسهلها مهما كانت عاملة ازاى “حتة دراما كدا من برنامج الصدمة”.
ونشرت مريم الجندي مجموعة من الصور لها من خطيبها شادي وصفي، وعلقت عليها كاتبة: “إنت خلاص شطبت يا عالمي”، أما هو فنشر الصور وعلق كاتبا: “في عالم مليء بأشياء مؤقتة، أنتِ إحساس دائم”، وعلق على ضحكاتهما في الصور: “موزعين علينا نكت في الخطوبة”.
ويشار إلى أن مريم الجندي في بطولة مسلسل “بالطو” وهو من إنتاجات (watch it) الأصلية، المسلسل من بطولة عصام عمر، عارفة عبد الرسول، محمد محمود، سلافة غانم وغيرهم نخبة من النجوم.
