حصل موقع صدى البلد على نص أقوال شقيق المجني عليه في واقعة قيام متهم بإنهاء حياة نجل صاحب قهوة أسوان في منطقة الكوربة بمصر الجديدة.
وجاءت نص أقوال شقيق المتهم كالأتي :
س : ما صلتك بالمتوفى محمد عبد الرازق محمد عبد الرحيم ؟
ج : هوا يبقا خويا .
س: ما معلوماتك بشأن الواقعة محل التحقيقات ؟
ج: اللي حصل أنه في يوم الواقعة في حد شغال في مطعم بتاع محمد اخويا اتصل بمحمد وقاله ان في ناس دخلت المحل بيقولو انهم شغالين في الحي ومحمد اخويا راح للمحل لقى مفيش حد وبعدها محمد راح قعد في القهوه بتاعته الي اسمها قهوه اسوان وامير جه ومعاه شخص آخر وقعد بشتم في محمد اخويا ومحمد رد عليه وحصلت بينهم مشاده واهل المنطقة حاشوهم وفضو المشكله واللي عرفته بعدها ان ايمن ابن عمتي قالي ان محمد اخويا وهو مروح البيت على الساعه ۱۲ الظهر داخل على محل العصير الى اسمه جنة الفواكه اللي في طريق البيت لقى ناصر صابر صاحب محل العصير جاي ناحية محمد اخويا وماسك في ايده مطواه وضرب محمد اخويا في بطنه بالمطوه وفضل غارز المطوه جوا بطنه وسابها في بطنه شويه وبعدها شالها والناس اتلمت عشان تحوش ما بينهم لف من ورا الناس ورجع ضرب اخويا بالمطوه ثاني وفضل فوقه عمال يضرب فيه بالمطوه والناس عماله تحوش فيه مش عايز يسيبه لحد ما الأهالي عرفت تحوش وشالته من فوق اخويا ومسكنه لحد ما الحكومه جت خدته وانا لما اتبلغت من ابن عمتي ايمن بيومي حامد بالي حصل روحت لقيته واقع على الأرض ولبسه کله دم وبطنه طالعه برا وراسه بتنزل دم و بيجيب دم من كل حته في جسمه ولما حطيت ايدي على رقبته لقيت لسه في نبض شيلته مع الأهالي وخدته على مستشفى هليوبلس ولما وصلت هناك كان اتوفى وبعدها روحت القسم قولت اقوالي في المحضر وجيت النيابة وهو داكل الى حصل.
س: ومتى تلقيت نبأ وفاة شقيقك المتوفى إلى رحمة مولاه / محمد عبد الرازق محمد عبد الرحيم ؟
ج : اتصل بيا ايمن بيومي ابن عمتي وقالي ان اخويا اتقتل والي قتله ناصر بتاع محل العصير.
س وما هو مضمون ما ابلغك به بالمكالمة الهاتفية ؟
ج قالي ان محمد اخويا وهو مروح البيت على الساعه ۱۲ الظهر وهوا مروح وماشي في شارع
المسلة وداخل على محل العصير إلى اسمه جنة الفواكه الى في طريق البيت القى ناصر صابر صاحب محل العصير جاي ناحية محمد اخويا وماسك في ايده مطواة وطرب محمد اخريا في لطبية بالخطوة وفضل غارز المطوه جوا بطنه وسابها في بطنه شويه وبعدها عاليا والثاني اللبيت عشان تحوش ما بينهم لف من ورا الناس ورجع ضرب الحوبا بالمقود ثاني وفضل فوقه.
حصل موقع صدى البلد على نص أقوال طبيب الرعاية بمستشفى هليوبوليس، في واقعة قيام متهم بإنهاء حياة نجل صاحب قهوة أسوان في منطقة الكوربة بمصر الجديدة.
وجاءت نص شهادة الطبيب أحمد عبد الله، كالتالي:
س : ما طبيعة عملك واختصاصك الوظيفي تحديداً؟
ج: أنا طبيب مقيم بالرعاية المركزة بمستشفى هليوبوليس.
س : منذ متى وأنت تمارس ذلك العمل تحديداً ؟
ج : منذ حوالی6 شهور تقريبا.
س : ما تفصيلات ما حدث؟
ج : اللي حصل أنه في يوم الواقعة وصل المتوفى إلى رحمة مولاه محمد عبد الرازق حوالي الساعة ١:٣٠ مساء جثة هامدة وفي اللحظة دي كان في ناس كثير من الأهالى جايين معاه وكان يعاني من جروح متفرقة بالجسم.
قهوة أسوان
س: ما هو ميعاد وصول المتوفي محمد عبد الرازق تحديدا للمستشفى؟
ج : هو وصلوا المستشفى يوم 30 أكتوبر 2024، الساعة 10:30 مساء.
س: ومن كان يرافق المتوفي سالف الذكر حال وصوله للمستشفى.
ج : هو حضر وكان معاه اهليته.
س : وما هي حالة المتوفي حال وصوله تحديدا .
ج : هو كان يعاني من جروح متفرقة في الجسم وطعنات وكان جثة هامدة .
س : وما هي الإجراءات الطبية المتخذة مع المتوفى إلى رحمة مولاه؟
ج : هو اول ما وصل كان حضر جثة هامدة عملنا له إنعاش رئوى ولم يستجب للإنعاش.
س: وما هي طبيعة الإصابات تحديداً بالنسبة للمتوفي محمد عبد الرازق محمد؟
ج: هي جروح عديدة متفرقة بالجسم.
س : وما عدد الضربات التي تلقاها المتوفي / محمد عبد الرازق محمد تحديداً؟
ج: انا معرفش عددها قد ايه بس اللى كان ظاهر لي ان كان فيه جروح متفرقة في جسمه.
س : ما هي طبيعة الأداة المتصور استخدامها لأحداث تلك الإصابات بالمتوفي سالف الذكر ؟
ج : انا معرفش بس هي اكيد أداة حادة.
س : من الشخص القائم باصطحاب المصاب للمستشفى.
ج : لا انا معرفش انا اتبلغت ان في حالة حرجة فروحت ابص عليه علطول.
س : وهل كان بإمكانك التحدث مع المصاب قبل وفاته ؟
ج : لا هو حضر جثة هامدة.
كما حصل “صدى البلد” على نص التحقيقات في جريمة قتل صاحب قهوة اسوان بمنطقة الكوربة بمصر الجديدة حيث أجلت اليوم محكمة جنايات القاهرة أولى جلسات محاكمة المتهم لجلسة 1 ديسمبر المقبل للاطلاع.
وتضمنت أوراق التحقيقات في القضية رقم ١٩٦٥٦ لسنة ۲۰۲٤ اداري مصر الجديدة رقم الحصر ٧٧١ سنة الحصر ٢٠٢٤ اقوال المتهم ناصر صابر مشعال التي سرد خلالها تفاصيل ارتكابه الجريمة وتمزيق جسد المجني عليه وسط الشارع والى نص التحقيقات:
اسمی
ناصر صابر مشعال
السن ۲۸
اعمل / بكالوريوس نظم ومعلومات إدارية
س / ما تفصيلات إقرارك ؟
ج اللي حصل ان في خلافات بيني وبين محمد عبد الرازق كتير ومن حوالي خمس سنين حصلت بنا مشكلة واتخانقنا مع بعض وضربنا بعض وبعدها والناس جت حاشت بنا والموضوع خلص، ومحمد كان واخد حصة في العمارة اللى محل العصير بتاعي فيها في شارع المسلة الكوربة، مكنتش عايز يكون ليه حصة في العمارة اللي أنا فيها، وكان في قضايا كتير بينه وبين صاحب العمارة ولما كنا بنشوف بعض كان بيحصل ساعات مشادات بنا لكن الناس كانت بتحوش والموضوع بيخلص وآخر مشكلة كانت امبارح، لقيت محمد كان جاي يزعق ويشتم من عند قهوة أسوان بتاعته ولقيته ماشي قدام محل العصير بتاعي، وعمال يزعق لأن في خلافات سابقة بنا فخرجت من المحل وكان معايا مطوه في جيبي وكنت قرفان منه ومن المشاكل اللي بتحصل بنا، طلعت المطوه من جيببي ودخلت على محمد عبد الرازق وضربته بيها أكثر من ضربه ومش فاكر كام ضربه تقريباً ووقع على الأرض وفضلت اضرب فيه بالمطوه ووقعت فوقه على الأرض ومحستش بنفسي لقيتني عمال اغرز المطوه في بطنه.
والناس اتلمت وقعدت تحوش وانا مكنتش عايز اسيبه وفضلت أضرب فيه لحد ما الناس حاشتني، وقعدت الاهالي يضربو فيا بالكراسي عشان اقوم من عليه لكن فضلت، اضرب فيه بالمطوه وبعدها قولتله انت الي وصلتني اني اعمل فيك كدا، وبعدها الناس حاشتني وقومتني من عليه وانا رميت المطوه.
ودخلت محل العصير تاني وبعد كدا في اتنين أمناء شرطة جم خدوني على موتسيكل وودوني على قسم مصر الجديدة، وفتشوني هناك كان معايا مفاتيح البيت بس وبعدين دخلوني وعملو محضر بالي حصل، ودخلوني الحجز وجيت النيابة انهردة وهو ده كل اللى حصل.
س/ متى واين حدث ذلك ؟
ج الي حصل اني ضربت محمد عبد الرازق كان امبارح يوم ١٠/٣٠ ٢٠٢٤ الساعة ١٢:٣٠ مساءً في شارع المسلة في الكوربة بمصر الجديدة.
س/ ماسبب ومناسبة تواجدك بالزمان والمكان سالفي الذكر ؟
ج / انا كنت قاعد في محل العصير بتاعي اللي اسمه جنة الفواكه.
س/ وما هي ظروف نشأتك تحديداً؟
ج / مواليد ۱۹۹٦ ابويا متوفي وامي موجوده عندي اربع اخوات ولاد واعزب
س/ وما هي المؤهلات العلمية التي حصلت عليها ؟
ج / انا معايا بكالوريوس نظم ومعلومات اداريه ومتخرج سنه ٢٠١٤
س وما هي وسيلة تعايشك ؟
ج انا مالك محل العصير انا واخواتي الي اسمه جنه الفواكه وليه فروع كثير في مصر ودا مصدر رزقي الوحيد
س/ وما هي حالتك الاجتماعية ؟
ح/ اعزب
س/ وما هي علاقتك المجنى عليه / محمد عبد الرازق؟
ج / علاقتي بيه انه جاري وهوا أكبر مني في السن ومليش علاقه بيه اوي
س / ومتى نشأت تلك العلاقة فيما بينكما ؟
ج من زمان ومش فاكر امتى بظبط
س و هل من ثمة خلافات فيما بينكم ؟
جاه كان في خلافات بنا
س/ ما هي طبيعة تلك الخلافات ؟
ج في خلافات بيني وبين محمد عبد الرازق كتير ومن حوالي خمس سنين حصلت، بنا مشكله واتخانقنا مع بعض وضربنا بعض وبعدها والناس جت حاشت بنا والموضوع خلص ومحمد كان واخد حصه : في العمارة الي محل العصير بتاعي فيها، في شارع المسلة الكوربة سكنتش عايز يكون ليه حصة في العمارة الي انا فيها، وكان في قضايا كتير بينه وبين صاحب العمارة ولما كنا بنشوف بعض كان بيحصل ساعات مشادات بنا لكن الناس كانت بتحوش.
س/ ومتى نشأت تلك الخلافات ؟
ج من حوالي خمس سنين تقريباً.
س/ والى أي مدى تطورت تلك الخلافات ؟
ج كان بيحصل بنا مشاكل واتخانقنا مع بعض وضربنا بعض من خمس سنين والناس حلت ما بنا ولما كنا بنشوف بعض كان بيحصل ساعات مشادات بنا لكن الناس كانت بتحوش.
س ما هي كيفية ارتكابك لتلك الواقعة ؟
ج/ انا لقيته ماشي قدام محل العصير بتاعي وعمال يزعق لأن في خلافات سابقه بنا فخرجت من المحل وكان معايا مطوه في جيبي وكنت قرفان منه ومن المشاكل الي بتحصل بنا طلعت المطوه من جيببي ودخلت على محمد عبد الرازق وضربته بيها اكثر من ضربه ومش فاكر كام ضربه تقريباً ووقع على الارض وفضلت اضرب فيه بالمطوه ووقعت فوقه على الأرض ومحستش بنفسي لقيتني عمال اغرز المطوه في بطنه والناس اتلمت وقعدت تحوش وانا مكنتش عايز اسيبه وفضلت اضرب فيه لحد ما الناس حاشتني وقعدت الأهالي يضربو فيا بالكراسي عشان اقوم من عليه لكن فضلت اضرب فيه بالمطوة وبعدها قولتله انت الى وصلتنى انى اعمل فيك كذا وبعدها الناس حاشتني وقومتني من عليه.
س/ هل اشترك معك أحدا في ارتكابها ؟
ج/ لا انا طلعت ضربته بالمطوه من نفسي محدش تاني ضربه
س/ وما سبب طعنك وضربك للمجني عليه بذلك العدد من الضربات والطعنات ؟
ج انا كنت زهقان منه وطلعت ضربته بالمطوه ضربات كتير عشان كان في مشاكل كثير بنا
س/ انت متهم بقتل المجنى عليه / محمد عبد الرازق – عمداً مع سبق الإصرار والترصد بأن بيت النية وعقدت العزم على قتله وكمنت له بالمكان الذي ايقنت سلفاً بأنه يعتاد السير فيه ذاهباً الى منزله وما ان ظفرت به حتى اجهزت وأنهلت عليه ضرباً وطعنا قاصداً من ذلك ازهاق روحه فاحدثت به الإصابات الثابتة بمناظرة النيابة العامة التى أودت بحياته وذلك باستخدام السلاح الابيض؟
ج ايوة الكلام ده حصل وانا غلطان وزعلان اني عملت كده وندمان.
