يواصل موقع صدى البلد نشر نص أقوال الفتاة ر. س.، التي تبلغ من العمر 18 عاماً، صاحبة واقعة التهديد والابتزاز ونشر صورها عارية على يد شاب في حلوان.
وتقول الفتاة صاحبة واقعة الابتزاز على يد شاب يدعى إبراهيم،:”انا كنت موجودة في جروب على الواتس اب، وكان الجروب بيدخله بنات وولاد كثير تتعرف على بعض من محافظات مختلفة ومن اماكن مختلفة، وبعدها تعرفت على المتهم ومع مرور الوقت طلب مني صور خاصة وبعدها صاحبها بتهديد مستمر لنشر تلك الصور عبر موقع التواصل الاجتماعي الفيس بوك.
وأكدت، في البداية كان بيكلمنى كويس وبيلمحلى انه معجب بيا و مع الوقت قالى انه بيحبني كل دا على الشات بيننا وعاوز يرتبط بيا ومع الوقت بدأ يطلب منى صور ليا وانا عريانة وانا عشان بحبه بعتله صور وفيديوهات لجسمي وانا عريانة ومنها برضو صور وفيديوهات كبيرة اوى ليا بلبس البيت”.
وتابعت، لما لقيت الموضوع طول في الحكاية دى وانه كل شوية يهددنى بصورى وفيديوهاتى اللى فيها جسمى عشان ابعتله صور وفيديوهات غيرها وانا عريانة يا إلا ينشرهم على النت فأبعتله صور وفيديوهات غيرها فمع الوقت بدأت أرفض وهو كمان بقى يزيد فتهديده اليومى ليا بنشر صوري اللي عنده على النت لو مبعتلوش صور وفيديوهات لجسمى وانا عريانة ولما مكنتش برد عليه فضل يهددنى كتير اوى بيهم فمعرفتش أعمل إيه لينفذ تهديده وينشر صورى فعلا على النت فقولت لماما على اللى حصل كله فقالتلى تعالى نعمل محضر باللي حصل وفعلا رحت مع ماما وعملنا محضر في مباحث الإنترنت في العباسية، وبعدها عملت له بلوك على الوتس اب.
طفلة حلوان
وكانت، أصدرت محكمة جنايات القاهرة المنعقدة في التجمع الخامس حكمها بمعاقبة شخص بالسجن 10 سنوات وغرامة مالية قدرها ١٠٠الف جنية لاتهامه بتهديد طفلة بنشر صور شخصية لها ومقاطع مرئية عبر مواقع التواصل الاجتماعي في حلوان.
وكشف أمر الإحالة، في القضية التي حملت رقم ٣٧٥٦ لسنة ٢٠٢٣ جنايات حلوان المقيدة برقم ٢٥٧ لسنة ٢٠٢٣ كلي حلوان، لأنه منذ شهر أغسطس لعام 2022، بدائرة قسم حلوان محافظة القاهرة، هدد المتهم إبراهيم م، 24 سنة . عامل مقيم فرش ٦ العزبة البحرية حلوان ، القاهرة، المجني عليها الطفلة ر، س، تبلغ من العمر 18 عاما، كتابة بإفشاء أمور مخدشه لشرفها مهدداً إياها بنشر صور شخصية لها ومقاطع مرئية وكان ذلك التهديد مصحوباً بطلب بأرسال صور ومقاطع مرئية لها وهي عارية الجسد وذلك على النحو المبين في التحقيقات.
وأوضح أمر الإحالة، أن المتهم، أنشأ حساباً خاصاً على شبكة معلوماتية – تطبيق ” واتس آب ” – بقصد ارتكاب الجريمة موضوع الاتهام الأول وذلك على النحو المبين بالتحقيقات، حيث تعمد إزعاج المجني عليها الطفلة، بإساءة استعمال أجهزة الاتصالات وذلك على النحو المبين بالتحقيقات.
