علقت هند سعيد ابنة الفنان سعيد صالح، على ما يتم تداوله حول بوسي شلبي وأزمتها الأخيرة مع أبناء مع أبناء محمود عبد العزيز.
وكتب هند صالح على صفحتها الشخصية بموقع التواصل الإجتماعي فيسبوك: “اسكتوا، اسكتوا عشان ده قذف محصنات حتى و ان ماتقالتش بصوت عالى و شكل مباشر، اسكتوا عشان دى سيرة فنان محبوب قدم لبلده كتير اوى و ماينفعش ده أبدا يكون الرد، اسكتوا عشان ماحدش يهمه حياة الفنان الخاصة خصوصا لو فنان كبير بالقيمة دى، اسكتوا عشان دى أسرار بيوت، اسكتوا عشان دى حرمة ميت ياللى لا بترحموا عايش ولا ميت، اللى حاصل ده حرام قبل ما يكون عيب، حرام فى حق سيدة – أيا كان درجة حبك أو كرهك ليها – اتجوزت قدام العالم كله”.
وتابعت: “حرام فى حق سمعة فنان كبير مش موجود عشان يرد غيبته، التفاصيل ماتهمش حد غير أسرته و أسرتها”.
واختتمت حديثها: “حسبى الله و نعم الوكيل فى كل من استباح الكلام عن حياة البشر الخاصة و أعراضهم و شرفهم و خصوصياتهم، بتدوروا على الذنوب بمنكاش و الله العظيم”.
قضت المحكمة برفض دعوى الإعلامية بوسي شلبي لإثبات مراجعة زواجها من الفنان الراحل محمود عبد العزيز، وتأييد الحكم السابق الصادر من محكمة أول درجة، مع تغريم المدعية مبلغ 200 جنيه، وسقوط الحق في التماس إعادة النظر، وذلك لثبوت صحة الطلاق الصادر في عام 1998.
وجاء في الحيثيات أن المحكمة اطلعت على أوراق الدعوى، واستندت في قضائها إلى ما ثبت بمحاضر الجلسات والمرافعات ومستندات الطرفين، وأن الواقعة سبق نظرها والفصل فيها بالحكم الملتمس إعادة النظر فيه.
وأكدت المحكمة أن المدعية أقامت الدعوى رقم 4998 لسنة 2023 أسرة أكتوبر بطلب إثبات مراجعة زواجها من الفنان الراحل في تاريخ 16 سبتمبر 1998، وتعديل بياناتها في مصلحة الأحوال المدنية لتُدرج كأرملة بدلاً من مطلقة.
