شوق الإعلامي مجدي عبد الغني متابعيه لـ حلقة برنامجه اليوم ملعب البلدوزر عبر صفحته على موقع التواصل الاجتماعي فيسبوك.
وكتب مجدي عبد الغني:”ضيوف ملعب البلدوزر الليلة مع الكابتن مجدي عبدالغني”.
وكشف مجدى عبد الغنى نجم الأهلي الأسبق كواليس أزمة ملابس منتخب مصر قبل السفر لمونديال روسيا 2018.
وقال مجدى عبد الغنى خلال تواجده ضيفا مع عمر ربيع ياسين ببرنامجه”مان تو مان ” عبر صفحته الرسمية :” عملنا اجتماع لاختيار رئيس بعثة منتخب مصر في كأس العالم ، ومحدش يقدر يفتح بوقه وبقيت أنا رئيس البعثة بس محدش ادانى لبس ، ومجتش الشنطة لحد قبل مانسافر بيوم وكنا في رمضان ، وحسيت انها خطة من اللهو الخفى اللى كان بيدير كل شيء بدون منصب في الجبلاية ، يعمل حبيبك وبعدين يلسعك الواحدة”.
وأضاف مجدى عبد الغنى:” روحت مقر الاتحاد في أكتوبر قولتلهم فين اللبس ، لقيت شوقى غريب قافل على لبس المنتخب بتاعه ، قولتلهم هي عزبة قافلين على اللبس ليه وجبت حد يكسر القفل ويطلع اللبس “.
وتابع البلدوزر :” تانى يوم الدنيا اتقلبت ولقيتهم جايين يقولولى رجع اللبس قولتلهم انا رئيس البعثة ، وعشان اهرب منهم قولتلهم هرجعه بعد الفطار ، وهانى أبو ريدة معجبوش كلامى فطلع قرار بعزلى ودا مكنش صح عشان لازم قرار مجلس إدارة “.
