كشف الإعلامي محمد فاروق، عن أن النادي الأهلي قادر على الفوز ببطولة كأس العالم للأندية، والتفوق على نادي مانشستر سيتي الإنجليزي تحت قيادة بيب جوارديولا في الفترة الحالية، وذلك في حالة واحدة فقط.
وأوضح أن النادي الأهلي في ظل الامكانيات التي يمتلكها إذا خاض المباريات وبطولة كأس العالم للأندية بالطريقة التي يلعب بها صن داونز يستطيع الفوز بالبطولة بشكل طبيعي.
محمد فاروق يتحدث عن النادي الأهلي
وأضاف “فاروق”، خلال تقديمه برنامج “البريمو” المذاع من خلال قناة “تن”، اليوم الاثنين، أن النادي الأهلي قادر على الفوز على مانشستر سيتي في ضوء الإمكانيات المتاحة في حالة اللعب بالطريقة التي يلعب بها صن داونز، “فكرة أن اللاعيبة تلعب بسهولة وميبقاش فيه حد خايف وهو بيستلم أو بيسلم، وتبان لبعضها، أنا بشوف صن داونز بيستلموا الكورة معندوش مشكلة يباصي للاعيب اللي قدامه 3 أو 4 مرات، ويباصي ويتحرك”.
وتابع محمد فاروق: “كل لاعب من صن داونز بيمرر الكرة ويتحرك، وكل لاعب بيستلم بيلاقي 3 و 4 حواليه يمرر لهم، والأهلي عنده إمكانات كبيرة جدا، ومارسيل كولر معاه قدرات كبيرة أنه يعمل كده، لازم الأهلي يعمل كده في الفترة اللي جاية”.
واستكمل: بيرسي تاو خلال مباراة أمس أمام صن داونز كان يتواجد بمفرده أكثر من مرة بدون مساعدة أي شخص، “تخيل لو الأهلي بيلعب بالشكل بتاع صن داونز، هيتحط في حتة تانية خالص، صن داونز بيمتع أي حد بطريقة لعبه، سواء أهلاوي أو زملكاوي بيستمتع بالطريقة اللي بيلعب بيها صن داونز، حتى حارس المرمى بيلعب بدون خوف”.
